Salut mes jins, j'su contin d'vous ar'vir.
Eu j'va vous raconter eul tuile qui m'a arrivé ch'matin. J'ai attelé eu m'remorque pour aller ker du foin pour mes bidets a mo d'eul maison d'min père à hinche din ch'pas d'calais ben sur hein boubourse.

Alor eum v'la parti pour faire 20 bornes in 4x4, je sais cha pollue mais mi, j' m'sert eud'min 4x4 pour mes bidets,ché litieres et tou cha, pas pour monter chés bordures eud'trotoir in ville. Eul miens, y'est pas nickel, in'ch'momin, y'a plein d'brin eu d'in, j'ai pon temp d'eul nettyer et ché gosses, t'é peu pas l'eu d'mindés d'el faire, y passe té leur tin d'van ch'lordi ou d'van l'tété et y rallent des qu'té veu leur donner un peu d'boulot.

Enfin, j'arrif, eu'ch'querke eul remorque, et arrivé d'in ch'villache, j'intin un grand "boum" et je m'deuminde ko qu'ché qui s'passe et je m'rin compte que l'godasse d'eum remoque qu' a pété. Merte alors, y fallot qu'a m'arrif asteur, ché sur, ché jamais l'momin pou qu'cha arrif ché truc la. Bref j'eu m'gare eu'vant ch'eul boucherie,(qui vin du bidet salopiaux) pour réparer sans roue d'escourt.

Etant natif d'eu ch'villache la, j'a passé un coup eud'portab à min camarat Dominique et y'est v'nu avec eus karette et un reule in etat. Chez nin l'meum, mi j'ai une 13 pouches et li y m'a ramné une 14 pouche, mais ché trous y correspond'té bien alors....... un s'a démerdé comme cha.Eul l'remorque al est juste un peu plus haute a gauche chez tout.et ché bidets y z'on eu a minger


J'ai pu rinter comme cha et eu j'va y ramner eus reule samdi qui vien quand j'frais eul deuxieme tour euq'j'avos prevu. In in profit'ra pour s'infiler ain'mousse eud'belgiq (suremin deux)et d'arparler du bon viu tin eud quand qu'in étos gosses.
Vla ch'l'histoire d'eul journée. Cha va, y'as pas mort d'homme, et pi comme cha j'aura d'qoi raconter a mes p'tit n'efants quand j'srai viu.

Allez mes jins a bientot